Сонымен қатар, 50 көлік құралы мамандандырылған айып тұрағына қойылды, деп хабарлайды aqshamnews.kz тілшісі.
Жол қозғалысы қауіпсіздігін қамтамасыз ету аясында өткен тәулік ішінде Алматы қаласының аумағында Жол қозғалысы қағидаларын бұзудың 1 959 дерегі анықталды. Оның ішінде жол қозғалысына қатысушылардың өмірі мен денсаулығына жоғары қауіп төндіретін 191 өрескел құқық бұзушылық тіркелді. Бұл туралы Алматы қаласының прокуратурасы хабарлады.
Анықталған құқық бұзушылықтардың ішінде:
мас күйінде көлік құралын басқару – 8 дерек;
көлік құралын басқару құқығынан айырылған адамдардың көлік басқаруы – 2 дерек;
маневр жасау қағидаларын бұзу, оның ішінде қауіпті маневр жасау («шашка») – 71 дерек;
қауіпсіздік белдігін тақпау – 67 дерек;
қарсы қозғалыс жолағына шығу – 7 дерек;
көлік құралын басқару кезінде ұялы телефонды пайдалану – 36 дерек.
Сонымен қатар, 50 көлік құралы мамандандырылған айып тұрағына қойылды.