Алматыда жер телімдерінің дұрыс пайдаланылмау себептеріне талдау жүргізіледі.
Алматы қаласының прокуратурасы Қазақстан Республикасы Бас прокуратурасының тапсырмасы бойынша «Заң бойынша жер» жобасын жүзеге асыруға кірісті, деп хабарлайды Аlmaty-akshamy.kz
Жоба аясында жер телімдерінің нысаналы мақсаты бойынша пайдаланылмауына ықпал еткен себептер мен жағдайларды талдау жоспарлануда.
Жобаны іске асыру үшін Алматы қаласының Жер ресурстарын басқару басқармасының, жергілікті атқарушы органның және басқа да мемлекеттік органдардың қызметкерлерінен топ құрылды.
Прокуратура қызметкерлері алматылықтарға үндеу жариялап отыр:
Жер телімдерін дұрыс пайдаланбау фактілері туралы 265-03-79 телефонына хабарласып айтуға болады немесе смартфон камерасынан QR кодын сканерлеу арқылы арнайы сервисті қолданыңыз.