Бұл факт бойынша тергеуді Алатау аудандық полиция басқармасы жүргізіп жатыр.
Алматы полицейлері күдікке ілінген жастарды ұстады. Мамандардың айтуынша, олар «синтетиканы» қойып жатқан жерінен қолға түсті, деп хабарлайды Almaty-akshamy.kz.
Ішкі істер министрлігінің ресми сайтындағы мәлімет бойынша, 24 жастағы К.есімді азамат және оның 20 жастағы серігі Приканальная көшесінде жедел қызметкерлердің көзіне түскен.
«Жастардың іс-қимылы күдікті болып көрінді. Бір қарағанда, олар қараңғыда бірдеңе іздегендей болды. Бірақ іс жүзінде, керісінше – олар тұтынушымен алдын ала келісілген жерге “жылдамдық” есірткісін жасырған. Жеке тінту кезінде олардан заттай 15 бума табылды және тәркіленді, кімге тиесілі екендігі мен шығу тегін сот-химиялық сараптама анықтайтын болады», – деді Алматы қалалық ПД есірткі қылмысына қарсы күрес басқармасының бастығы Ерлан Алмағамбетов.
Мамандардың айтуынша, бұл факт бойынша тергеуді Алатау аудандық полиция басқармасы жүргізіп жатыр. ҚР ҚК-нің 296-бабы 4-бөлігімен қылмыстық іс қозғалды.