Коронавирусқа қарсы вакциналау иммунитетті «күшейтеді», сондықтан ата-аналар балаларды қазір вакциналауы керек.
№7 қалалық клиникалық аурухананың педиатр дәрігері Қарлығаш Байдулланың айтуынша, вакциналаудан кейін жасөспірімдер мен жүкті әйелдердің иммундық жүйесі инфекциядан қорғалады, деп хабарлайды Almaty-akshamy.kz
Қарлығаш Байдулла бұдан бұрын болған барлық індеттердің вакциналау арқылы тоқтатылғанын еске салды. Кейбір ата-аналар балалардың табиғи иммунитеті жеткілікті деп санайды. Алайда, дәрігердің айтуынша, жыныстық жетілу жасындағы жасөспірімдерге бұл оңай соқпайды. Біріншіден, олар санитарлық талаптарды жиі сақтай бермейді, екіншіден, олардың денесі әлдеқайда жетілген, яғни вируспен өзара әрекеттесудің барлық механизмдері ұқсас келеді.
Педиатр коронавирустың төртінші толқыны кезінде қалада аурудың «жасаруы» байқалғанын, көбінесе балалардың ауруханаларға жиі түсетінін еске салды. Ал балалардағы COVID-19-дың салдары ересектермен бірдей.
Қарлығаш Байдулла физиологияның ерекшеліктеріне байланысты жүкті әйелдерді вакциналау қажеттілігі туралы айтты.
«Мұнда екі мақсат бар: ананы және баланы қорғау. COVID-19-ға қарсы егудің қаупі жоқ.. Бірақ аурудың өзі бірқатар асқынуларға әкеледі, соның ішінде коагулопатия, қан ұюының бұзылуы, ұрықтың антенатальды өліміне, плацентарлы бөлінуге және қан кетуге әкелетін қан ұйығыштарының жоғарылауы мүмкін. Вакцинаны 2-ші және 3-ші триместрде алуға болады, осы кезеңде вакцинаның ұрыққа әсері болмайды, ол бұл кезеңде қалыптасып кетеді», - деп түсіндірді дәрігер.
Сондай-ақ Қарлығаш Байдулла вакциналанған алматылықтарды ревакцинацияға шақырды. Оның айтуынша, антиденелер белгілі бір уақыттан кейін күшін жоғалтады. Сондықтан үшінші вакцинаны алу ұсынылады. Ревакцинациядан өту кезінде басымдық қарт адамдарға, созылмалы аурулары бар адамдарға берілуі керек.
Дәрігер адам ағзасы вирус туралы ақпаратты алғашқы екі вакциналаудан кейін сақтайды, бірақ егер ол ұзақ уақыт бойы тиісті антигенге тап болмаса, иммундық жүйенің белгілі бір бөлігін толық дайындықта ұстап тұра алмайды деп мәлімдеді.
«Мысалы, организмдегі екі компонентпен вакциналаудан кейін антиденелер саны 1000-нан 5000 бірлікке дейін жетеді, бірақ жарты жылдан кейін олардың саны азаяды. Егер денеде антиденелер болмаса, онда адам вирусты тезірек жұқтырады. Ал ревакцинация – бұл ағзаға антиденелердің қосылуы», - деп түсіндірді дәрігер.