Алматы облысы тұрғындарының Whatsaap чаттарында Бартоғай су қоймасына қауіп төнгені туралы ақпарат тарады. Облыстағы 7 ауылдың көшірілетіні рас па? Аqshamnews.kz төтенше жағдай департаментінен ресми жауап алды.
"Бартоғай су қоймасы жарылады, сақ болыңыздар!"
Чаттарда осындай желеумен тараған ақпарат тұрғындарды дүрліктірді.
Ақпарат - фейк!
Алматы облысы, Еңбекшіқазақ ауданы әкімдігі ақпараттың жалған екенін мәлімдеді. Әкімдіктің айтуынша елді мекендерде ешқандай қауіп жоқ.
"Бартоғай су қоймасындағы жағдайға қатысты тарап жатқан ақпарат расталмады, елді мекендерге ешқандай қауіп жоқ. Қауіптің алдын алу мақсатында «Қазгипроводхоз» институтының мамандары бөгеттің құрылымын қосымша тексеріп жатыр. Оқиға орнында Алматы облысы Төтенше жағдайлар департаментінің, аудан әкімдігінің және Д. Қонаев атындағы Үлкен Алматы каналының мамандары кезекшілік етуде. Жағдай толық бақылауда, су деңгейіне және гидротехникалық құрылымның жай-күйіне тұрақты мониторинг жүргізілуде. Жағдай тұрақты, барлық қызметтер штаттық режимде жұмыс істеуде" делінген әкімдік жауабында.