Жел секундына 15-20 метрге жетеді
«Қазгидромет» РМК-сы қарашаның 15-і күні болатын ауа райына қатысты болжамын жариялады, деп хабарлайды Almaty-akshamy.kz.
Кәсіпорын таратқан дерктерге қарағанда, бүгін солтүстік-батыс циклоны Қазақстан территориясымен тез жылжи отырып, еліміздің солтүстік жартысында көбінесе қар, оңтүстігіне жаңбыр жаууына ықпал етеді.
Республиканың басым бөлігінде жел күшейіп, солтүстікте жаяу бұрқасын, көктайғақ болып, оңтүстікте тұман түседі.
Ақмола облысының оңтүстік-шығысында көктайғақ, жаяу бұрқасын болып, желдің жылдамдығы секундына 15-20 метрге жетеді.
Қостанай облысының солтүстігінде жел секундына 15 метр жылдамдықпен ұйтқиды және жаяу бұрқасын болады.
Ақтөбе облысының батысы мен солтүстігінде жаяу бұрқасын, көктайғақ блады.
Түркістан облысының солтүстігінде, батысында және таулы аудандарында жел 15-20 метр жылдамдықпен ұйтқып, түнде екпіні 23 м/с болады, облыстың оңтүстігі мен таулы аудандарында тұман түседі.
Шығыс Қазақстан облысының солтүстігінде жаяу бұрқасын, тұман, көктайғақ болады, облыстың батысында желдің жылдамдығы секундына 15-20 метрге жетеді.
Қарағанды облысының солтүстігінде, шығысы мен орталығында көктайғақ болып, жаяу бұрқасын соғады, жел секундына 15-20 метрге дейін күшейеді.
Жамбыл облысының оңтүстік-батысында, солтүстік-шығысында және таулы аудандарында желдің жылдамдығы секундына 15-20 метрге жетеді, түнде екпіні 23-28, кей уақыттарда 30 м/с болады және одан асуы ықтимал. Түнде және таңертең облыстың оңтүстік-батысында, солтүстік-шығысында және таулы аудандарында тұман, көктайғақ, жаяу бұрқасын болады.
Таңертең және күндіз Қызылорда облысының солтүстігінде көктайғақ болады.
Солтүстік Қазақстан облысының оңтүстік-батысында, Маңғыстау облысының батысы мен солтүстік-шығысында, таңертең және түнде Атырау облысының батысында тұман түседі.
Батыс Қазақстан облысының солтүстігінде тұман, көктайғақ болады.
Алматы облысының оңтүстігі мен шығысында тұман, көктайғақ, солтүстігі, оңтүстігі мен шығысында жел секундына 15-20 метрге жетеді, күндіз екпіні 25 метр болады.