Желіде Алматы облысының тауларында белгісіз бейкерлермен қақтығысы түсірілген бейне тарады, деп хабарлайды аlmaty-akshamy.kz.
Бейне кадрларына қарағанда, алдымен атқа мінген агрессивті ер адам байкерлерді қамшымен ұрады. Олардың бірі шөпте демалып отырған. Мотоцикл жүргізушілері оған қарсы мінез көрсентпейді. Арадағы жан-жалды сөзбен тоқтатқысы келіп: «біз жүріп жатқан жоқпыз. Тоқта!», дейді.
Кейінірек бұл жерге тағы бірнеше ер адам келеді. Біреуінің қолында қару бар. Олар бірден мотоциклдегі жігіттерге агрессия көрсетеді. Жүгірген қалпы екеуі мотоцикл жүргізушілерінің біріне секіріп құлатады. Сөйтіп соққыға алады. «Тоқта... Көп болып ұруды тоқтат...» деп сөзбен жағдайды шешпек болған байкерлердің бірі ақ жейде киген ер адамнан соққы алды.
Алматы облысының полиция департаменті аталған факті бойынша қылмыстық іс қозғалғанын хабарлады.
«14 шілдеде Алматы облысы Қарасай ауданының полициясына әктас тауларында бір топ адамға белгісіз адамдар шабуыл жасағаны туралы арыз келіп түсті. Жәбірленуші шабуылдаушылар оны және оның достарын жайылып жүрген малдарды үркітті деп айыптағанын, содан кейін қамшымен ұрып, қарумен қорқытқанын хабарлады. Қазіргі уақытта осы факті бойынша қылмыстық іс қозғалды. Шабуылдаушыларды ұстау бойынша жедел-іздестіру шаралары жүргізілуде», - деп хабарлады ведомстводан.