1 наурыз 2025 жылдан бастап Балқаш тұрғындары Алматыға тікелей пойызбен жете алады, деп хабарлайды aqshamnews.kz.
Бұған дейін жолаушылар Сары-Шаған станциясына жетіп, басқа пойызға ауысуы қажет болған, ал жаңа маршрут бұл қажеттілікті жойып, тікелей теміржол қатынасын қамтамасыз етті.
Маршрут кестесі:
Балқаш – Алматы: тақ күндері 07:52, Алматы-2 бекетіне 00:58-де келеді.
Алматы – Балқаш: жұп күндері 00:10, Балқашқа 15:03-те жетеді.
Жол уақыты: 17 сағаттан асады.
Билет бағасы: 7 293 теңгеден басталады.
Бұл бағыттың іске қосылуы "Қазақстан темір жолы" компаниясының инфрақұрылымдық жобалары аясында жүзеге асырылды. Атап айтқанда, Балқаш – Мойынты учаскесінде екінші теміржол жолы салынды, бұл бағыттың өткізу қабілетін айтарлықтай арттырды.