Алматыда қала әкімі Дархан Сатыбалдының Қатардың Power International Holding компаниясының өкілдерімен жұмыс кездесуі өтті. Тараптар демалыс, ойын-сауық, бөлшек сауда және цифрлық технология саласындағы бірлескен инвестициялардың болашағын талқылады.
Power International Holding компаниясының Катарда, Мальдив аралдарында және өзге де елдерде кешенді жобаларды жүзеге асыруда халықаралық тәжірибесі мол.
Әкім Алматы қаласы ұлттық экономиканың төрттен бір бөлігін қамтамасыз ететінін және халықаралық бастамаларға ашық екенін атап өтті. Дархан Сатыбалды Қазақстан мен Қатар арасындағы жоғары деңгейдегі әріптестікті атап өтіп, Алматыда ауқымды инвестициялық жобаларды жүзеге асыруға дайын екенін жеткізді.
PIH өкілдері нақты бағыттарға қызығушылық білдіріп, Алматының өңірлік даму орталығы ретіндегі тартымдылығын, қаланың әлеуеті мен қолайлы инвестициялық климатын ерекше атады.