Алдағы жылыту маусымына дайындық аясында Алмалы ауданында жылу желілерін жоспарлы қайта жаңғырту жұмыстары жүргізілуде. Жұмыс аясында 1977 жылы пайдалануға берілген жалпы ұзындығы 760 метр болатын жылу желілері ауыстырылады.
Осыған байланысты 2025 жылдың 24 шілдесінен 31 тамызына дейін Алмалы ауданында Жамбыл көшесі бойынша Мұқанов көшесінен Мұратбаев көшесіне дейінгі аралықта автокөлік қозғалысы жабылады.
Құбыр желілерін қайта жаңғырту жұмыстары кезінде жүргізушілер мен жаяу жүргіншілердің қауіпсіздігін қамтамасыз ету мақсатында қозғалысқа шектеу қойылады. Қайта жаңғырту кезеңінде тұрғындарға ыстық су беру тоқтатылмайды.
Аталған жылу желісі 5 көпқабатты тұрғын үйді, 7 жеке тұрғын үйді және тағы 4 өзге нысанды жылу энергиясымен және ыстық сумен қамтамасыз етеді.
Жалпы, биыл қала бойынша 39 шақырым жылу желісін жаңғырту жоспарланған. Бұл желілердің тозу деңгейін 54%-ға дейін төмендетуге мүмкіндік береді.
Айта кетейік, көлік қозғалысын шектеу туралы барлық ақпарат Almaty.kz сайтында, @AlmatyJoly Telegram арнасында, аудан әкімдіктері мен басқармалардың әлеуметтік желілерінде, сондай-ақ «2GIS» пен «Яндекс карта» сервистерінде жарияланған.
«Алматы жылу жүйесі» ЖШС