Мемлекеттік кірістер комитеті алаяқтардың жаңа тәсілдері туралы ақпарат таратты. Тәсілдер мынадай: азаматтармен телефон соғып, салық қызметкерлері атынан салықтық хат бар екенін немесе шоттың бұғатталғаны туралы мәлім етеді, деп хабарлайды aqshamnews.kz.
Одан кейін азаматтарға мәселені шешу және айыппұлдан құтылу үшін жеке қабылдауға онлайн кезекке тұруды ұсынады. Олар телефонға 1414 номерінен келген кодты жіберіп, оны кезекке тұру үшін айтуын сұрайды.
«Егер азаматтар бұл кодты айтса, алаяқтар салық төлеушінің шотынан барлық ақшаны алып қояды», - деп атап өтті Мемлекеттік кірістер комитетінің баспасөз қызметі.
Ведомство азаматтарға мұқият болуды және жалған хабарламаларға сенбеуді ұсынды. Салық қызметінің өкілдерімен байланыс кезінде ресми телефон нөмірлерін пайдалануды ұсыну арқылы тұрғындарды алаяқтардан қорғауға шақырды.
Осыған орай, азаматтарға сақ болу және күмәнді қоңырауларға жауап бермес бұрын тексеру жүргізу ұсынылады.