Вакцинацияға қарсы адамдар өз қозғалыстарында діни астарды жиі пайдаланады, бірақ олардың дәлелдерін ғылыми дәлелдермен растауға келмейді.
Неліктен ата-аналар балаларының денсаулығына қамқорлық жасап, оларды қызылшаға қарсы вакцинациялау керек екенін бүгін Алматы қаласының орталық мешіті мен Православтар шіркеуінің өкілдері Алматы қаласының ӨКҚ алаңында айтты, деп хабарлайды Almaty-akshamy.kz
Өз сөзінде орталық мешіттің наиб имамы Тимур Әлиев ислам діні әркімді өз денсаулығына дұрыс қамқорлық жасауға және аурудың алдын алу жолдарын іздеуге міндеттейтінін еске салды.
«Алланың елшісі (оған Алланың игілігі мен сәлемі болсын): Емделіңдер. Бір ғана ауруға қарсы ем жоқ, бұл кәрілік (Ахмад ибн Ханбал). Бұл хадис әр аурудың емі бар екенін білдіреді. Алайда ауруды емдегеннен гөрі оның алдын алу жақсы екені анық», - деді Т.Әлиев.
Діни қызметкер сонымен қатар вакцинация кезінде келесі шарттарды ескеру қажет екенін атап өтті:
- вакцинация заңды негізде және мамандардың басшылығымен жүргізілуі керек. Бұл медициналық мәселе болғандықтан, осы саланың мамандары оны мұқият зерттеп, оның адам денсаулығына пайдалы немесе зиянды екенін анықтап, оны қолдану туралы түпкілікті шешім қабылдауы керек. Алла Тағала Құранда: «Егер сіз білмесеңіз, білім иелерінен сұраңыз»,-дейді («ан-Нахл» сүресі, 43)
- вакцинада шариғат тыйым салған заттар болмауы керек. Себебі шариғат тыйым салынған элементтерді немесе таза емес заттарды пайдалануға рұқсат бермейді. Соған қарамастан, егер қажет болса, бар вакцинаны қолдануға болады, мысалы, егер вакцина өмірге қауіп төндірмесе және басқа халал вакцина болмаса. Себебі Алла тағала: өздеріңді өз қолдарыңмен қауіп-қатерге салмаңдар» - деп бұйырды («Әл-Бакара» сүресі, 195)
- вакцина адам денсаулығына зиян тигізбеуі, ауруды күшейтпеуі немесе мүгедектік тудырмауы керек. Ислам әрқашан зиянды нәрселерден аулақ болуға шақырады. Пайғамбар (оған Алланың игілігі мен сәлемі болсын): «Өзіңе және басқаларға зиян тигізбе», - деді (Ахмад ибн Ханбал).
Ислам дініндегідей православиеде де вакцинациялауға тыйым салынбайды. Брифингте сөйлеген сөзінде Вознесенк кафедралды соборының диаконы Виталий Быструшкин сонымен қатар алдын алу шараларына бей-жай қарамауға және қызылшаға қарсы иммунизациядан өтуге кеңес берді.
«Православие шіркеуі вакцинациядан өтуді айыптамайды», - деп атап өтті диакон В. Быструшкин.
Дәстүрлі діндер өкілдері адамның денсаулығы мен өмірі басты құндылық ретінде танылатынын атап өтіп, тұрғындарды таралып жатқан ауруға қарсы вакцинациялауды кейінге қалдырмауға шақырды.