Парижде Экономикалық ынтымақтастық және даму ұйымына (ЭЫДҰ) мүше елдердің министрлері атом энергетикасын дамыту бойынша нақты қадамдарды талқылады, деп хабарлайды aqshamnews.kz
АҚШ, Канада, Жапония, Оңтүстік Корея және Еуропаның 9 мемлекеті осы ортақ бастамаға қосылуға дайын екенін білдірді. Бастаманың мақсаты – жаңа реакторлардың құрылысын қаржыландыру, жеткізу тізбегін дамыту және білікті кадрлар даярлау.
Көптеген ЕуроОдақ елдері атом энергиясына қайта оралуда. Мысалы, Швеция 2035 жылға дейін электр энергиясын өндіру көлемін екі есеге арттыру үшін 10 жаңа реактор салуға дайын. ЭЫДҰ және Атом энергиясы агенттігінің жаңа бастамаларын қолдайтын елдер Қазақстанмен ынтымақтастықты тереңдетуге мүдделі, себебі бұл ядролық энергетика үлесін 2050 жылға қарай үш есеге арттыруға мүмкіндік береді.
Швецияның вице-премьер-министрі Эбба Буш осыған қатысты өз пікірін білдіріп, былай деді:
– Швеция атынан мынаны айтқым келеді: біз мүдделері мен құндылықтары ұқсас елдермен ғаламдық деңгейде бірлесіп, атом энергетикасын игеру бойынша ынтымақтастықты нығайтқымыз келеді. Осы бағытта еуропалық әріптестермен, сондай-ақ АҚШ және Канадамен бірнеше меморандумға қол қойдық. Енді Азияның озық тәжірибеге ие кейбір елдерімен тығыз байланыс орнатуды жоспарлап отырмыз.
ЕЭДҰ Ядролық энергия агенттігінің бас директоры Уильям Мэгвуд Қазақстанның ғаламдық нарықтағы маңызын атап өтті:
– Уранның ірі жеткізушісі ретінде Қазақстан атом энергиясының әлемдік нарығына үлкен әсер етті. Бұл кезеңде баға төмендеп, жеткізу қауіпсіздігі күшейді. Осы орайда Қазақстанның рөлі өте маңызды.