COVID-19 жұқтырғандар саны 212 миллион 669 мыңнан асты.
Әлемде КВИ-ға қарсы вакциналардың 4 миллиард 970 миллионнан астам дозасы қолданылды, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
Вакцина дозаларының ең көп саны Қытайда қолданылды -1 млрд 950 млн доза. Одан кейінгі орында: Үндістан - 580 миллион 770 мың, АҚШ - 362 миллион 660 мың, Бразилия - 176 миллион 620 мың доза. Әлемде COVID-19 жұқтырғандар саны 212 миллион 669 мыңнан асты, қауіпті вирустың салдарынан 4 миллион 445 мыңнан астам адам қайтыс болды.
Мысыр
Мысырда Sinovac Қытай вакцинасының 15 миллион дозасы шығарылды.
«Sinovac-Vaxera вакцинасының 15 млн. дозасының жергілікті өндірісі аяқталды, олар қазірдің өзінде вакцинация орталықтарына жіберілді», — деп хабарлады Араб Республикасының Денсаулық сақтау және халық министрі Хала Заид Каирде өткен баспасөз мәслихатында.
Оның айтуынша, Египет жыл соңына қарай ішкі нарықтың, сондай-ақ Африканың қажеттілігі үшін шамамен 80 млн. доза көлеміне қол жеткізу мақсатында ай сайын осы вакцинаның 15-тен 18,5 млн. дозасына дейін өндіретін болады. 24 тамыздан бастап барлық азаматтар осы вакцинамен тегін егіледі.
Солтүстік Африка
Африканың солтүстігінде коронавирус жұқтыру қарқыны төмендемей отыр. Мароккода өткен тәулікте 2 996 адам SARS-CoV-2 жұқтырғаны анықталды, 97 науқас қайтыс болды. Жалпы алғанда, елде COVID-19 инфекциясының расталған жағдайларының саны 813 945-ке жетті. Мароккода пандемия басталғаннан бері коронавирустың асқынуынан 11 889 адам қайтыс болды. Елде вакцинация орташа қарқынмен өтуде - 33,8 млн тұрғынның 13,1 млн-нан астамы вакциналанды.
Аргентина
Аргентинаның 12 миллионға жуық тұрғыны коронавирустық вакцинацияның толық курсынан өтті. Ересек азаматтардың 80% - дан астамы вакцинаның бірінші компонентімен егілген, бұл - 27,2 миллион адам. Аргентинада пандемия кезінде 5 124 963 адам коронавирус жұқтырды, 110 070 адам қайтыс болды. Елдегі COVID-19 пациенттерінің саны 218 845 адам, бұл әлемдегі барлық науқастардың 2,42% құрайды.