Қазақстанның бірінші ракеткасы, әлемдік рейтингте 45-орында тұрған Александр Бублик Германияның Галле қаласында өтіп жатқан ATP 500 санатындағы турнирдің жартылай финалына жолдама алды, деп хабарлайды Aqshamnews.kz тілшісі.
Ширек финалда ол чехиялық Томаш Махачпен кездесіп, тартысты матчты екі сетте-ақ аяқтады – 7:6 (7:2), 6:3. Айта кетейік, қарсыласы әлемдік рейтингте 23-сатыда тұр.
Финалға жолдама үшін Бублик ресейлік Карен Хачановпен текетіреседі. Қазір Хачанов ATP тізімінде 22-орында және ол ширек финалда аргентиналық Томас Мартин Этчеверриден басым түскен.
Еске салайық, бұған дейін Бублик әлемнің бірінші ракеткасы, италиялық Янник Синнерді жеңіп, жанкүйерлерін қуантқан болатын.