Қазақстанда алдағы 5 жылда электр энергиясының тапшылығы сағатына 13 миллиард киловаттан асуы мүмкін деген болжам бар.
Сарапшылардың пікірінше, бұл мәселені шешу үшін атом электр станциясын салу қажет. Алайда, алдымен әлемдік тәжірибені мұқият зерттеу маңызды. Мысалы, Испаниядағы атом энергетикасының толық жұмыс істеуі мен қауіпсіздігін қамтамасыз ету үшін миллиондаған еуро инвестиция салынған.
Equipos Nucleares компаниясының ядролық инженері Хесус Саиз дэ Оменьяка Тихеро бұл туралы былай деді:
– Испанияда атом энергетикасы соңғы 10 жылда елдің негізгі энергетикалық жүйесінің ажырамас бөлігіне айналды. Біздің елде 47 миллион адам тұрады, ал атом энергетикасы электр энергиясын өндірудің шамамен 20%-ын құрайды. Бұл энергия 5 атом станциясында орналасқан 7 ядролық реактор арқылы өндіріледі. Сонымен қатар, атом энергетикасы Испаниядағы көміртексіз электр энергиясын өндіруге айтарлықтай үлес қосып отыр.