Бүгін мереке қарсаңында Алатау ауданының әкімі Талғат Малыбаев коммуналдық қызметтің үздік қызметкерлерін құттықтады.
«Ауданның үздік коммуналдық қызметкері» атағын беруде тұрғындармен қарым-қатынас және қызметкерлер бекітілген аулалар мен тұрғын үйлердің жағдайы басты критерий саналды.
Аудан әкімі коммуналдық қызмет өкілдеріне адал еңбегі үшін алғыс білдіре отырып:
– Наурыз мерекесіне орай ұйымдастырылған бұл шара қаламыздың тазалығы мен тәртібін қамтамасыз етуге бағытталған кез келген мамандықтың маңыздылығын көрсетеді, – деді марапаттау кезінде.
Ол сондай-ақ:
– Біздің қызметкерлеріміздің кәсіби біліктілігі мен жауапкершілігі – өз ісін шын мәнінде сапалы атқарғысы келетін әрбір жанға үлгі. Бүгінгі жеңімпаздарымыз да өз жұмысына кешенді көзқараспен қарайтын нағыз мамандар екенін дәлелдеді, – деп түйіндеді сөзін Талғат Малыбаев.
Марапатқа ие болғандардың бірі Асхат Қыпшақбаев аудан басшылығына өздеріне көрсетілген құрмет үшін алғысын білдірді.
– Өз жұмысымда ешқандай ерекшелік көрмеймін. Менің міндетім – Саялы шағынауданында тазалықты сақтау. Мен марапат немесе сыйлық алу үшін жұмыс істеген жоқпын, мен үшін ең бастысы – жергілікті тұрғындардың алғысы. Олар «тазалық – тек жинаған жерде емес, ластамайтын жерде болады» деген қағиданы ұстанатынын түсінсе, мен үшін үлкен жетістік. Әрине, аудан басшылығының еңбегімізді ескергені қуантады. Болашақта да Алматының тазалығы мен тұрғындардың жайлы өмір сүруі үшін аянбай еңбек етемін, – деді Асхат Қыпшақбаев.
Алатау ауданындағы коммуналдық қызметтің үздік қызметкерлері деп танылғандар:
1. Амангелді Нұртазин
2. Ержан Құжемқұлов
3. Дидар Қонысбаев және Асхат Қыпшақбаев