Алматы қаласы Алатау ауданындағы №196 жалпы білім беретін мектепте жоспарға сәйкес сейсможаттығу өткізілді. Белгіленген уақытта дабыл сигналы беріліп, мұғалімдер мен оқушылар тез арада ғимараттан аулаға шығарылды. Барлық сыныптар толық жиналғаннан кейін оқушылар мен қызметкерлер саны тексерілді.
Алғашқы әскери және технологиялық дайындық пәнінің мұғалімі Д. Унербеков түсіндірме жұмыстарын жүргізіп, қажетті ақпаратты мұғалімдерге жеткізді. Әр сынып жетекшісі өз кезегінде оқушылар санын анықтап, есеп берді.
"Жаттығу барысында жіберілген қателіктер талданып, қорытынды жасалды. Сейсможаттығудың мақсаты — жер сілкінісі кезінде мектеп оқушылары мен қызметкерлерін төтенше жағдайда дұрыс әрекет етуге үйрету",- дейді мектеп директоры Бәтен Рүстенбекқызы.