Ел ертеңі үшін маңызды таңдау жасауға ағылған алматылықтардың қатарында Ғ.Мүсірепов атындағы Қазақ мемлекеттік академиялық балалар мен жасөспірімдер театрының актері Жомарт Зейнәбіл де бар, – деп хабарлайды aqshamnews.kz тілшісі.
Алматы қаласы Әуезов ауданы 202 мектеп-гимназия ғимаратында орналасқан N211 сайлау учаскесінде өз таңдауын жасаған Жомарт Зейнәбіл сайлаудың ел болашағына зор маңызы барын және әрбір азаматтың дауысы маңызды екенін еске салды. Мемлекеттің мүддесі жолында референдумның маңызын түсініп, өз таңдауларын жасауға шақырды.
Комиссия мүшелері мен сайлау учаске төрайымы Лесова С. айтуынша, Әуезов ауданында келушілер белсенді таңдауларын жасауда. Әуезов ауданының тұрғындары, оның ішінде ел алдында жүрген біршама танымал кісілер де өз отбасымен келіп дауыс беруде.