2024 жылы Қазақстанда жалпыға бірдей декларациялаудың үшінші кезеңі аяқталды. Бұл кезеңде елдегі және шетелдегі активтерін алғаш рет компания басшылары, құрылтайшылары және жеке кәсіпкерлер декларациялады.
Декларацияларды қабылдау 16 қыркүйекте аяқталды. Салық органдары құжаттарды тапсыру қажеттігін БАҚ арқылы және SMS-хабарламалар арқылы тұрақты түрде еске салып отырды.
«Егер жеке кәсіпкер немесе саудамен айналысатын адам декларация тапсырмаса, олардың банк шоттарындағы операциялар уақытша тоқтатылуы мүмкін. Заң бұзушылықтарды жойғаннан кейін шоттар бір жұмыс күні ішінде қайта ашылады. Декларацияны уақытында тапсырып үлгермеген азаматтарға бірінші рет ескерту беріліп, әкімшілік жауапкершілікке тартылады, — деп хабарлады Қаржы министрлігі.
Биыл декларацияны 4,8 миллион адам тапсыруы тиіс болатын. Олардың ішінде 68,3 мың жеке кәсіпкер мен жеке саудамен айналысатын адамдардың банк операциялары бұғатталған.
17,5 мыңнан астамы заң бұзушылықтарды жойып, олардың шоттары қайта ашылды.
Қараша айының соңында көпшілік үшін декларациялау міндеттемесінің жойылғанын Қаржы министрі Мәди Такиев түсіндірген болатын. Ол декларациялаудың мемлекеттік қызметкерлерге, квазимемлекеттік сектор басшыларына және олардың жұбайларына қатысты сақталатынын атап өтті.