Алматы қаласында бір тәулікте 2410 адам коронавирусқа қарсы екпе алды.
Бұл туралы қалалық қоғамдық денсаулық сақтау басқармасы мәлім етті, деп хабарлайды Almaty-akshamy.kz
«11 қаңтар күні 2410 алматылық вакцина салдырды. Вакцина салдырғандар саны бойынша Алматы қаласы алдыңғы орында. Былтырғы жылдың 1 ақпаны мен биылғы жылдың 11 қаңтары аралығында қалада 1 052 525 тұрғын вакцинаның бірінші компонентін, 1015 921 адам екінші компонентін салдырған. Оның ішінде 123 454 адамның жасы 60-тан асқан»,- деп хабарлады қалалық басқарма.
Бүгінгі таңда Pfizer (Comirnaty) компаниясының екпесін 31 632 адам салдырды. Оның ішінде 1 737 жүкті әйел, 6396 бала емізетін ана және 23 499 жасөспірім бар. Ревакциналаудан 71 040 алматылық өтті. Қалада 132 пункт жұмыс істеп тұр. 762 адамнан тұратын 201 егу бригадасы бар.