Алматы Индустриалды аймағында әйнек ыдыстар шығаратын зауыт салынуда.
Оның құрылысы 2022 жылдың күзіне қарай аяқталуы тиіс. Жоспар бойынша кәсіпорын жыл сайын 140 млн.-ға жуық әйнек бұйымдарын шығара отырып, шамамен 300 адамды жұмыспен қамтымақ. Сондай-ақ, ел бюджетіне 1 млрд. теңге салық аударуды көздейді.
Алматы Индустриалды аймағының аумағында орналасқан жер телімінің алаңы 4 гектарды құрайды. Қазір мұнда қуат беру, газ, су жеткізу, кәріз желілерін жүргізу және жүктерді тасымалдау үшін теміржолға баратын жолға арналған коммуникация желілерін жүргізу бойынша белсенді жұмыстар жүргізіліп жатыр. Бұдан басқа, қазір аумақта зауыттың негізгі ғимаратының бірі салынды. Инвестицияның жалпы көлемі 2,5 млрд. теңгеден астам соманы құрайды.
Бүгінгі күні республикада Ресейден әйнек ыдыстарының (бөтелке, банкі және медициналық ыдыстар) шамамен 50%-ы импортталады. Егер біз айтып отырған зауыт іске қосылатын болса, импорттың 15-20%-ға төмендеуі мүмкін деген болжам бар.
Келешекте компания өнімнің экспортын жақын шет елдерге, оның ішінде Қырғызстанға, Өзбекстанға және Тәжікстанға экспорттау мүмкіндігін қарастыруда.