Қазақстанда 3 миллионнан астам азамат тегін дәрі-дәрмек алды, - деп хабарлайды Aqshamnews.kz Үкімет отырысында жарияланған мәліметке сүйеніп.
Денсаулық сақтау вице-министрі Тимур Мұратовтың айтуынша, биылғы жылдың алғашқы 10 айында жалпы құны 219,7 млрд теңгеге 3 миллионнан астам пациент амбулаториялық деңгейде тегін дәрі-дәрмекпен қамтамасыз етілген.
2020–2025 жылдар аралығында амбулаториялық дәрі-дәрмекпен қамтуды қаржыландыру көлемі 48%-ға өсіп, 115 млрд теңгеден 262 млрд теңгеге жеткен.
Жеткізілімдегі үзілістердің алдын алу үшін Бірыңғай дистрибьютор 21 млрд теңгеге төмендетілмейтін қор жасақтаған.
Министрлік созылмалы аурулары бар науқастардың (қант диабеті, артрит, церебралды сал ауруы және т.б.) мемлекеттік кепілдік шеңберінде тегін дәрі-дәрмек алуды жалғастырып отырғанын атап өтті.
Қазақстан өңірдегі тегін дәрі-дәрмекпен қамтамасыз ету деңгейі ең жоғары елдердің бірі саналады.