Бүгін, 27 қаңтарда, еліміздің көп бөлігінде жауын-шашынсыз ауа райы сақталады. Бұл туралы Aqshamnews.kz сайты хабарлайды.
Мұндай тұрақты метеорологиялық жағдай Скандинавия антициклонының Қазақстан аумағына әсер етуімен байланысты. Алайда, бірқатар өңірлерде тұман түсіп, желдің күшеюі байқалса, таулы аймақтарда көктайғақ күтіледі.
"Қазгидромет" мамандарының хабарлауынша, батыс, солтүстік-батыс және оңтүстік өңірлерде тұман түседі. Ал орталық, оңтүстік, оңтүстік-шығыс және шығыс аймақтарда желдің күшеюі күтілуде. Алматы облысының таулы жерлерінде көктайғақ орын алуы мүмкін.
Негізгі қалалардағы ауа райы
Астана: Ауа райы бұлтты, жауын-шашынсыз. Түнде температура −16–18 °C, күндіз −11–13 °C.
Алматы: Бұлтты, жауын-шашынсыз. Түнде −7–12 °C, күндіз 0 +2 °C.
Шымкент: Күн алабұлтты жауын-шашынсыз. Түнде −2–4 °C, күндіз +7–8 °C.
Қазақстанның аумағында қыс мезгіліне тән ауа райы сақталуда. Синоптиктердің болжамына сүйене отырып, алдағы күндерде де тұрақты жағдай күтіледі.