Қазгидромет дүйсенбіге арналған ауа райы болжамын жариялайды, деп хабарлайды Almaty-akshamy.
Ел аумағының басым бөлігінде жауын-шашынсыз ауа райы сақталады.
Күндіз оңтүстік және оңтүстік-шығыс таулы аудандарда атмосфералық фронтальды бөліктердің өтуімен жаңбыр жауады, найзағай күтіледі.
Республика бойынша желдің күшеюі, оңтүстікте шаңды дауыл, оңтүстік және оңтүстік-шығыстың таулы аудандарында бұршақ күтіледі.
Алматыда күндіз ауа температурасы +29 +31 дейін көтеріледі. Көшпелі бұлтты, жауын-шашынсыз ауа райы сақталады.
Күндіз Жамбыл облысының таулы аудандарда найзағай, бұршақ күтіледі, облыстың солтүстік-шығысында шаңды дауыл, облыстың солтүстік-шығысында және оңтүстік-батысында жел 15-20 м/с күшейеді.
Күндіз Түркістан облысында найзағай күтіледі, таулы аудандарда және батысында жел 15-20 м/с күшейеді, батысында шаңды дауыл болады. Қызылорда облысының орталығында шаңды дауыл болады, жел 15-20 м/с күшейеді.
Қарағанды облысының солтүстігінде және шығысында, күндіз Қостанай облысының оңтүстігінде жел 15-20 м/с күшейеді.
Күндіз Атырау, Батыс Қазақстан, Ақтөбе облыстарында қатты ыстық сақталады, Солтүстік Қазақстан облысының басым бөлігінде, Маңғыстау, Қарағанды облыстарының оңтүстігінде қатты ыстық болады. Маңғыстау, Батыс Қазақстан, Атырау, Ақтөбе, Қызылорда, Түркістан, Жамбыл облыстарында, Алматы облысының кей жерлерінде, Қарағанды облысының оңтүстік-батысында, Қостанай, Солтүстік Қазақстан, Шығыс Қазақстан облыстарының оңтүстігінде, Ақмола облысының оңтүстік-батысында өте жоғары өрт қаупі туындайды.