«Азаматтарға арналған үкімет» мемлекеттік корпорациясы хабарлағандай, 2025 жылдан бастап айлық есептік көрсеткіш (АЕК) 3 932 теңгеге өсуіне байланысты мемлекеттік құжаттарды дайындау құны да артты, деп хабарлайды aqshamnews.kz
Төлқұжат жасату құны:
– 24 парақ (16 жасқа дейінгі балалар үшін) – 4 АЕК немесе 15 728 теңге.
– 36 парақ – 8 АЕК немесе 31 456 теңге.
– 48 парақ (ересектер үшін) – 12 АЕК немесе 47 184 теңге.
Төлқұжат өтінім берілген күннен бастап 15 жұмыс күні ішінде дайын болады. Қосымша ақы төлеп, оны жеделдетіп алу мүмкіндігі қарастырылған.
Жеке куәлік жасату құны:
– Жеке куәлік – 0,2 АЕК немесе 786,4 теңге.
– Жоғалтып, бір жыл ішінде екі реттен артық жасатса – 1 АЕК немесе 3 932 теңге.
Жеделдетілген құжат дайындау құны:
– Астана, Алматы, Шымкент және Ақтөбе қалалары:
1 жұмыс күні – 3 372 теңге, 3 жұмыс күні – 1 771 теңге.
– Облыс орталықтары:
3 жұмыс күні – 3 372 теңге, 5 жұмыс күні – 1 771 теңге.
– Аудандар мен облыс қалалары:
7 жұмыс күні – 605,31 теңге.
Еске салайық, биыл 1 АЕК 3 932 теңге болып бекітілді. Бұл өткен жылғы 3 692 теңгеге қарағанда жоғары.