Қаңтар айында өтетін Ұлттық бірыңғай тестілеуге (ҰБТ) өтініш қабылдау 30 желтоқсан күні аяқталды, деп хабарлайды aqshamnews.kz
Биыл тестілеуге қатысуға 167 мыңға жуық талапкер өтініш білдірген, бұл өткен жылмен салыстырғанда 31 мыңға көп. ҰБТ 13 қаңтар мен 10 ақпан аралығында өтеді.
Талапкерлер өтініш беру барысында тестілеу күнін, уақытын және өткізу пунктін өздері таңдады.
Тестілеу барысында:
- Калькулятор, химиялық элементтердің периодтық жүйесі (Менделеев кестесі) және тұздардың ерігіштік кестесі бағдарламадан қолжетімді болады.
- Тест тапсырғаннан кейін талапкерлерге 30 минут ішінде апелляцияға өтініш беру мүмкіндігі беріледі.
- Сертификат апелляциялық комиссияның шешімінен кейін талапкердің жеке кабинетінде қолжетімді болады.
ҰБТ пәндерінің саны өзгеріссіз қалды:
- Үш пән – міндетті,
- Екі пән – таңдау бойынша.
Жалпы тест тапсырмаларының саны – 120.